PHONE 786-326-7607
AN NOU GADE SOU GONAYIV.
An nou gade ansanm rezulta yon travay ki pozitif
Nou sonje ke mwen te di nou nan denye rapo’m
Mwen te voye banou sou entenet , ke mwen sot
Fe de mwa an Ayiti e mwen retounen nan jou
Ki te 18 Novanm de mil dis- 10 jou avan eleksyon-yo
Nou sonje tou, ke mwen te pale nou de jonen inoublyab
Se paske mwen te satisfe anpil de travay ak mesaj
ke mwen te bay tout moun Gonayiv nan okasyon sa-yo.
Nou te fe plizye reprezantasyon ,nan radio vizyon2000
Nou pale sou plas public,nou pale nan radio Etincel
Nou reafime pozisyon nou yon lot fwa avek Moumou
Nou pale nan de okazyon pou Charles Henri Baker
Nan Domaine Night club , nou fe tout moun poze
Sou plas boutey nan Gonayiv, se te tet chaje
Mwen te di tout moun Gonayiv, zanmi’m ak fre’m
ke mwen retounen nan vil –la
Pou mwen bay patisipasyon- mewn e pou nou chanje
Sitiasyon malonet ke nap viv-la jodi-a.
Mwen te di yo ,mwen retounen se paske mwen bouke
Pran desepsyon nan men lot moun,selman paske
Mwen se moun Gonayiv.E kel ke swa efo map fe
Nan vi mwen,yo toujou relem dechouke.
Mwen te bayo egzanp tou de bagay pozitif sa -yo
Yon sit entenet pou Gonayiv depi 2006
Pou fe moun lot-bo konen ke nou ka fe bon bagay tou
Mwen reyalize 5 dokimante pou vil- la
Mwen te kon depanse kob mwen pou’m
Selman pale de Gonayiv nan zon ke map viv- la
Mwen se Premye baskete Olympic vil-la 1978
Mwe bouke pran desepsyon paske nou menm
Depi 1986, politisyen-nou yo itilize-nou
Pou enteret pa yo, Yo fe nou kraze brize
E yo fe nou detri menm prop fanmi- nou.
Ane sa-a nap voye yon mesaj-ba yo
Nan Gonayiv. Nou fe politik yon lot jan
E se sa ki fe Gonayiv jodia rete tet poze
Nou pa vle peson vin bafre nou anko.
Nou pa remake se sel nan Gonayiv
Ke tout candida yo te gen chans pase
Pou mennen kanpay-yo e san violans
Si yo te entelijan depi le sa-a
Yo ta dwe kompran ke vil-la chanje
Men se pa sa yap gade e se pat sa yo te vle
Nou te propoze-yo, pou yo te vin pale
Ak nou sou bezwen- noun an vil-la
Problem ke nap viv chak jou nan Gonayiv
Kolera- grangou- travay ak edikasyon pou pep –la
Nou te ofri- yo tout vin pale ak –nou
Yo te vini-wi men se zafe pa yo
Yo te vin okipe, yo pat kompran mesaj-nou.-yo
Nou fe politik ,yon lot fason
Nou sispan kraze, nou sispan brize
Pandan lot yo ap detwi tout vil yo
Nan moman-sa-a nou envite-ou reflechi ak nou
Pou ansanm –nou ka jwen yon bon
Solisyon pou retire peyi-ya nan
Gagot politik-sa- a .Nou felicite tou moun
Gonayiv pou kouraj-yo, pou kompreansyon-yo
E pou proteksyon yo bay vil-la
Nap di yo veye , pa rete ap domi
Rete pito motive, pou nou ka motive lot moun
E fe yo kompran tou ke Ayiti se peyi pa-nou
Li vo plis rekonstwi-l ,ke kraze’l
Nou konen ke nan yon panye zoranj
Ka gen kek grenn ki pouri. Men jiska prezan
Nou tout fe prev ke nou komprann mesaj-yo
Gonayiv rete anko trankil e se sa nou vle
Nou banm rezon, Ayiti ka chanje
Men Chanjman-an dwe komanse
Avek ou menm e bo lay ou
Nou di BRAVO tout moun Gonayiv
Kenbe pa lague- an nou kontinye reflechi ansan-m
Pou nou jwen yon meyê solisyon
Pou libere Ayiti apre 207 ane endepandans
Dessalines Joachim
12-12-2010
