JANVIER2014

PREMYE JANVYE 2014

Nan yon fason peson pata jan’m vle kwè l , Fet sa-a ta pi fò menm pase tonton Nwèl

Premye Janvye sa-a, ta dwe telman bèl , Menm moun tout lòt kote ta dwe vini wè l

210 lane Endepandans nou, fòk nou fè l ,,Premye janvye de mil katòz

Ayisyen tout kote, pa dwe jwenn ni yon kòz, Ni yon rezon,pouki fè ke nou pa ta ka la.

Nou ta dwe depi kounye -a , Nou ta renmen reyalize, lakay, pi gwo festival

Nan Gonayiv, pi gwo zèv sosyal, Pou leve yon fon menm pou yon lopital

Nou mande atis Aysyen tout kote, Kèlkeswa mizik ke yo chante

Pou yo ede’n oganize ak planifye , Gwo jounen sa-a ki make tout bon vre

De san dis lane mechanste , Ayiti peyi n te pase

Pou Selman libete ke nou te mande.

Nou dwe nan Gonayiv pou premye fwa, Ini entelijans ak kompetans

Chak grenn ayisyen ki gen bon sans, Pou nou di yo ak fos e san rans

Nap fete 210 lane Endepandans, Premye Janvye de mil katòz,

Ayisyen kèlkeswa kote nou ye, Dwe selebre jounen sa-a ki make libète

Nou pa dwe al travay pyès kote, Nan jounen dat sa-a ke nou tout dwe fete

Endepandans pa nou kite toujou bòykote

Premye janvye de mil katòz, Nan vil Gonayiv se tèt chaje

Ti moun kon gran moun tout kote, Yon Balèn pou limyè

Yon mayo blan pou la pè, Se pou nou vini rakonte

Listwa yon lòt fwa, jan n te pase

Anba pye Papa Dessalin , Devan legliz katedral ki pi "clean"

Nou pral ansam la priyè Pou mande Bondye limyè

Nan mitan tout chimen Nap trase kòm premye pèp revòlte

Premye Janvye de mil katòz Nan vil Gonayiv, se pou n trase

Yon lòt egzanp pou limanite Pou tout moun ka aprann respekte

Tout prensip Bondye mete Libete egalite fratènite

Ki se banyè diyite ak fyète Premye pep nwa soulaje.

Premye janvye de mil katòz Nan Gonayiv, fok nou asiste

Pi gwo la priyè ak men leve Pou nou ka ede Ayiti Avanse

Dat premye janvye sa-a, fòk nou pa blye l , Nan Gonayiv, fòk nou selebre l

Ayisyen tout kote, nou dwe sonje l , Depi jodi ya menm, nou dwe planifye l